Кіру кілті, сыйлық сатып алу ұсынысы және т.б.

Read the original announcement in English

Бүгінгі жаңартуда біз қауіпсіз кіру тәсілін, яғни кіру кілттерін енгіздік. Енді SMS кодсыз жедел кіре аласыз, сыйлық сатып алу ұсыныстарын алаяқтықтан қорғап, хикаяға бейініңіздегі аудионы қоса аласыз.

Кіру кілті

Енді құрылғыңызда кіру кілтін жасай аласыз және Telegram-ға SMS кодтың орнына PIN немесе Face ID, саусақ ізі сияқты биометриялық деректер арқылы бірден кіре аласыз.

Кіру кілттері кез келген жерде, кез келген уақытта саяхаттап жүрсеңіз де, әлемнің шетінде болсаңыз да немесе SMS қызметіңіз істемей қалса да, ол жұмыс істейді.

Кіру кілттеріне арналған бірегей шифрланған кілттер құрылғыңызда сақталады және iCloud, Google сияқты құпиясөз басқару қолданбаларымен үйлестіріле алады. Бұндай тәсіл кіру кілттерін ең жылдам әрі ең қауіпсіз етеді.

Кіру кілтін жасау үшін Баптау → Құпиялық пен қауіпсіздік → Кіру кілті бөліміне өтіңіз. Бұны кез келген құрылғыда жасай аласыз. Толығырақ ЖҚС-дан оқыңыз.

Бірақ SIM–картаңызды әлі тастамаңыз! Кіру кілті қосулы болса да, тіркелгіңіз өзіңіз басқаратын белсенді телефон нөміріне байланған болуы керек.

Сыйлық сатып алу ұсынысы

Қолданушының бейініндегі сыйлықты қарап, оны ұнатсаңыз, енді оған жұлдыз немесе TON арқылы сатып алуға ұсыныс жасай аласыз.

Сыйлық ұсыныстары Telegram арқылы қорғалады және сатып алушыларды да, сыйлық иелерін да алаяқтардан қауіпсіз етіп, Telegram-да тікелей сатудың ыңғайлы әрі қауіпсіз тәсіліне мүмкіндік береді.

Ұсыныс жасағанда бағасы мен мерзімін өзіңіз орнатасыз. Төлеміңіз ұсыныс мерзімі бойы сақталады. Ұсыныс қабылданбаса немесе мерзімі өтсе, төлемің толықтай бірден қайтарылады.

Ұсыныс жасау үшін сыйлықты қарағанда ⋯ немесе ⋮ батырмасын басып, «Ұсыныс жасау» таңдаңыз.

Біреу сыйлығыңызды сатып алуға ұсыныс жасағанда, ұсыныс сомасының бағалау құнына қаншалықты жақын екенін көресіз. Сатуды растағаннан кейін сыйлық сатып алушыға автоматты түрде аударылады.