Зорныя розыгрышы і шмат чаго яшчэ
Чытаць арыгінальны допіс па-англійску
З сённяшнім абнаўленнем групы і каналы могуць выкарыстоўваць Зоркі Telegram у якасці прызоў у розыгрышах. Таксама для любога артыкула, які вы адкрылі ў браўзеры Telegram, цяпер можна стварыць імгненны прагляд, што робіць чытанне больш лёгкім.
Зорныя розыгрышы
Уладальнікі каналаў і суполак могуць праводзіць розыгрышы, каб прасоўваць свае супольнасці і ўзнагароджваць выпадковых удзельнікаў прызамі — у абмен на гэта яны зарабляюць «маланкі», якія адкрываюць магчымасць публікацыі гісторый каналаў і іншыя прывілеі.
Акрамя падпісак на Telegram Premium і рэальных прызоў, вы цяпер можаце таксама раздаваць «Зоркі» Telegram. Пераможцы могуць выдаткаваць свае зоркі на платныя медыя і эксклюзіўныя падпіскі у каналах — або ў гульнях і міні-праграмах на платформе Telegram.
На ўсялякі выпадак, калі вы не супраць знічак у сваім канале. 
Розыгрышы аплочваюцца загадзя і цалкам празрыстыя — з наладжвальнымі параметрамі для арганізатараў.
Уладальнікі каналаў могуць пачаць розыгрыш праз Налады канала > Статыстыка > Падтрымка. Для груп перайдзіце ў Звесткі аб суполцы > Статыстыка > Падтрымка.
App Store і Google Play абмяжоўваюць памер транзакцый — але з @PremiumBot вы можаце ствараць буйнейшыя розыгрышы па ніжэйшым кошце.
Імгненны прагляд для браўзера Telegram
У 2016 годзе Telegram запусціў стандарт «Імгненны прагляд» — які аўтаматычна аптымізуе артыкулы ў ідэальна адфарматаваныя старонкі для вашай прылады з нулявым часам загрузкі. Вы можаце ствараць імгненны прагляд на шматлікіх папулярных сайтах.
Ва ўбудаваным браўзеры Telegram цяпер можна пераўтварыць любы артыкул, які вы праглядаеце, у больш чытэльны, лёгкі макет.
На ўсялякі выпадак, калі вы ведаеце, чым сябе заняць.
Каб адкрыць старонку ў рэжыме імгненнага прагляду, адкрыйце меню браўзера і выберыце Паказаць імгненны прагляд.
Гэты функцыянал мы змаглі зрабіць дзякуючы новай бібліятэцы з адкрытым кодам ад Mozilla
Менш памылак і палепшаная аптымізацыя
Наша каманда таксама ўлучыла час у мінулым месяцы на выпраўленне памылак і павышэнне прадукцыйнасці у праграмах Telegram для камп’ютараў і мабільных прылад. Дзякуй за ўсе паведамленні карыстальнікаў на нашай спецыяльнай платформе хібаў!
Вы таксама можаце пакідаць свае прапановы на нашай платформе прапаноў.
Паляпшэнні міні-праграм
Мы таксама зрабілі некалькі выпраўленняў памылак для міні-праграм – яны сталі плаўнейшымі і лепей рэагуюць на ўвод ад карыстальнікаў. Таксама з'явіліся новыя варыянты кнопак для распрацоўшчыкаў.
Замест адной кнопкі міні-праграмы цяпер могуць адлюстроўваць дзве кнопкі адначасова ў гарызантальнай або вертыкальнай арыентацыі. Мы таксама стварылі новы эфект мільгання для кнопак, які можна выкарыстоўваць для прыцягнення ўвагі карыстальнікаў.
На ўсялякі выпадак, калі вам патрэбна кнопка на кнопцы.
Распрацоўшчыкі могуць убачыць усе падрабязнасці ў нашым апошнім абнаўленні API ботаў.
10 мільёнаў падпісчыкаў Premium
У гэтым месяцы колькасць падпісчыкаў Premium у Telegram перавысіла 10 мільёнаў — што азначае рост у 2 разы менш чым за 8 месяцаў. Падпісчыкі Premium дапамагаюць падтрымліваць нашу мэту устойлівай манетызацыі, якая бярэ на прыярытэт карыстальнікаў і іх прыватнасць.
Мы дзякуем усім нашым падпісчыкам Premium за іх пастаянную падтрымку — якая дазваляе Telegram працягваць ствараць магутныя функцыі і ўзбагачаць спосабы камунікацыі амаль аднаго мільярда людзей.
Гэта ўсё на сённяшняе абнаўленне, але мы абавязкова вернемся, каб хутка дадаць яшчэ больш функцый.
6 верасня, 2024
Каманда Telegram
Іншыя навіны
더욱 안전한 그룹 통화, 자동 계정 등
