Boshqa ilovalardan chatlar tarixini koʻchirish

Asl eʼlonni ingliz tilida oʻqish
Boshqa ilovalardan chatlar tarixini koʻchirish va yaxshiroq maxfiylik

Bu yanvar oyida 100 milliondan ortiq yangi foydalanuvchi erkinlik va maxfiylikni tanladi – va Telegramga qoʻshildi. Bugundan boshlab Telegramga oʻtish yanada osonlashdi, chunki yozishmalaringiz tarixi bilan xayrlashishingizga toʻgʻri kelmaydi.

Endi har kim chatlar tarixini, jumladan, video va hujjatlarni WhatsApp, Line va KakaoTalk kabi ilovalardan Telegramga koʻchirishi mumkin. Bu shaxsiy chatlar uchun ham, guruhlar uchun ham ishlaydi:

iOS tizimidagi WhatsApp ilovasidan chatni koʻchirish uchun WhatsApp ilovasida Kontakt haqida yoki Guruh haqida sahifasini oching, Chatni eksport qilish bandini tanlang, keyin Ulashish menyusida Telegram bandini tanlang.

Android qurilmasida WhatsApp chatini oching, ⋮ > Yana > Chatni eksport qilish rukniga kiring, keyin Ulashish menyusida Telegram bandini tanlang:

iOS uchun WhatsApp sizga chatlaringizni bevosita chatlar roʻyxatidan eksport qilish imkonini beradi. Chatda Chapga suring, keyin “…” > Chatni eksport qilish bandini tanlang.

Xabarlar joriy kunga import qilinadi, lekin asl vaqt belgilarini ham oʻz ichiga oladi. Telegramdagi chatning barcha ishtirokchilari xabarlarni koʻradi.

Chatlarni koʻchiring va joy tejang

Eng yaxshi tomoni, siz koʻchiradigan xabarlar va multimedia fayllari qoʻshimcha joy olishi shart emas. Eskiroq ilovalar barcha maʼlumotlaringizni qurilmangizda saqlashga majbur qiladi – lekin, Telegram xabar, rasm va videolaringizga zarur boʻlganda istalgan payt kirish imkonini bergan holda amalda hech qanday joy egallamaydi.

Sozlamalar > Maʼlumotlar va xotira > Xotiradan foydalanish rukni orqali joy boʻshatishingiz mumkin.

Raqamli izlaringizni boshqaring

Maʼlumotlaringiz – bu shaxsiy ishingizdir. Shu sababdan, Telegram foydalanuvchilari nafaqat chatlarini eksport qilishi, balki yuborgan va qabul qilgan xabarlarini har ikki tomon uchun – izsiz oʻchirib tashlashi mumkin.

Bu yangilanish bilan yanada koʻproq nazoratga ega boʻlasiz: maxfiy chatlar, siz yaratgan guruhlar va chaqiruvlar tarixini istalgan paytda har ikki tomon uchun oʻchirib tashlash mumkin.

Telegram serverlari oʻchirib tashlangan chatlar va chaqiruvlar jurnali haqidagi axborotni saqlamaydi, maʼlumotlar toʻliq, abadiy gʻoyib boʻladi.

Yaxshilangan ovozli chatlar

Endi Chaqiruvlar tarixi sahifasining yuqorisida guruhlaringizni qaysi birida faol ovozli chatlaringiz borligini koʻrishingiz mumkin.

Shuningdek, ovozli chatda alohida ishtirokchi uchun tovush balandligini sozlash imkoniyati paydo boʻldi. Guruh administratori tomonidan oʻzgartirilgan sozlama barcha ishtirokchilar uchun tatbiq etiladi.

Yaxshilangan audio pleyer

Tarona ijro etilayotganida pleyerdagi ijrochi ismini bosish orqali uning barcha chatlaringizdagi taronalari roʻxayiga oʻtishingiz mumkin. Taronani oldinga surish yoki orqaga qaytarish uchun “Keyingisi” va “Avvalgisi” tugmalarini bosib turing.

Bundan tashqari, taronani pauzalash va davom ettirishda tovush endi ravon paydo boʻladi yoki yoʻqoladi.

Salomlashuv stikerlari

Agar Telegramga yaqinda qoʻshilgan kontaktlaringiz boʻlsa, ularga Telegramning unikal funksiyalari haqida aytib berishingiz yoki shunchaki taklif qilingan stikerlardan birini bitta bosish orqali ular bilan salomlashishingiz mumkin.

Yangi Android animatsiyalari

Android uchun ilova interfeysida yangi animatsiyalar paydo boʻlishda davom etmoqda. Masalan, fayllarni yuklab olishda, musiqa pleyerida va ilovaga kirgandan keyin chatlarni yuklashda.

Soxta kanallar ustidan shikoyat qilish

Barcha Telegram ilovalari sizga spam va boshqa turdagi noqonuniy kontent, jumladan, zoʻrovonlikka chaqirish yoki bolalarga tajovuz qilish ustidan shikoyat qilish imkonini beradi. Endi taniqli shaxslar yoki tashkilotlar nomidan ochilgan soxta kanallar yoki guruhlar ustidan ham shikoyat qilishingiz mumkin. Qandaydir shubhali xatti-harakatni sezsangiz, uning profil sahifasini oching, “…” > Shikoyat qilish > Soxta hisob runkiga kirib, bizga xabar bering. Moderatorlarimiz buni koʻrib chiqadi.

Yaxshilangan maxsus imkoniyatlar

Android va iOS uchun Telegramda TalkBack va VoiceOver funksiyalarini qoʻllab-quvvatlash sezilarli ravishda yaxshilandi. Takliflar uchun platforma yordamida yangi tuzatishlar yoki yangi funksiyalar uchun gʻoyalarni taklif qilishingiz mumkin.

Biz keyingi yangilanish ustida ishlashni davom ettiramiz. Yangiliklarni kuzatib boring!


2021-yil, 28-yanvar
Telegram jamoasi

Boshqa yangiliklar

그룹을 위한 스토리와 8가지 추가 기능

텔레그램은 9가지 새로운 기능으로 그룹 내 대화를 전혀 다른 수준으로 끌어올려 다대다 커뮤니케이션을 재정의합니다. 이제 그룹은 스토리를 게시하고 그들의 프로필 페이지에 게시물로 저장할 수 있습니다. 그룹은 독특한 배경화면과 상태를 설정할 수 있으며, 그룹의 프로필 커버의 색상과 로고 또는 링크 스타일에 이르기까지 가장 세부적인…
29-fev, 2024

저장한 메시지 2.0, 일회용 음성 메시지 및 8가지 추가 기능

1월 동안, 저희는 텔레그램에 10가지 새로운 기능을 추가했습니다 – 업그레이드된 저장한 메시지, 재생 후 삭제되는 일회용 음성 및 영상 메시지, 언제 당신의 메시지가 읽혔는지를 보여주는 상세한 읽음 확인 등 포함하여 더 많은 기능들이 있습니다.
31-yan, 2024

다채로운 전화, 타노스 스냅 효과 및 대규모 봇 업데이트

텔레그램의 2023년 10번째 업데이트는 향상된 전화 기능을 추가하여 성능을 개선하고 배터리 소모를 적게시키는 다채로운 색상의 새로운 디자인 적용, 메시지 삭제시 적용되는 새로운 증발 효과, 그리고 텔레그램 역사상 가장 큰 봇 업데이트 등을 포함하고 있습니다.
31-dek, 2023

채널 외관, 스토리 게시 등

이번 텔레그램 크리스마스 업데이트에서 채널은 배경화면, 이모지 상태 및 프로필 로고를 설정할 수 있고, 사용자는 채널 메시지를 스토리에 재게시할 수 있으며, 텔레그램 프리미엄을 한 번에 여러 사람에게 제공할 수 있으며, 경품 행사에 추가 상품을 포함할 수 있습니다.
23-dek, 2023